今晚派花生~~~~~
多謝tony,我真係學到好多野~~
咩叫力竭﹑組數同下數？(咩叫搏老命)
我地操開野既，成日講呢三個詞語，今日講下呢三個詞語既基本意思。
力竭︰一般都理解為「操到冇哂力」，再精確d講，就係如果你唔選擇休息既話，都已經冇力再做多組。點解呢個情況對重訓咁重要？重訓係無氧運動，響訓練既時候，肌纖維會得到鍛練，力竭既作用就係比肌纖維疲倦，從而刺激佢地既成長。但健身初學者未必可以每次訓練或每個動作都做到力竭，所以我地仍然建議「循序漸進」既原則，避免受傷。
組數︰多數我地都話每個動作做4組，但每個肌肉既訓練組數都不盡相同。例如背部呢個大肌肉，之前講過，有上背肌群（包括如菱形肌﹑斜方肌﹑大圓肌﹑小圓肌）﹑背闊肌﹑豎直肌等，所以我地需要更多既既動作去訓練背部，確保每一部份都得到訓練。至於每個動作既組數，其實係依照Program而定，即係話唔一定每個動作都一成不變地做4組。例如，如果同上述力竭既情況有關連既話，如果每組都達到訓練要求，咁3組就已經達到力竭既狀態。當然，如果3組都未去到力竭，仲可以加更多組數。
下數︰呢度涉及重量既選擇。下數多數用8至12下做range，咁點樣搵最適合自己既重量。呢度有個參考方法。首先，搵一個自己可以承受到既最大重量，即係話只舉到一下既重量，然後根據呢個標準，乘70至75%，得出黎既重量就係你可以舉到8至12下既重量（正常黎講）舉個例，如果二頭用55磅舉到1下，咁你適當既範圍就係35至40磅。但做下數既前提係要姿勢恰當同標準，咁就確保到肌肉真正受到刺激，所以如果呢8至12下你既姿勢係借力或者用左第二個部位既力，咁就要選擇一個再輕D既重量。
Credit by tony
Burger
Search